Güləşçimiz ermənini məğlub edib Dünya Çempionatında medal qazandı (VİDEO)

 

Azərbaycan Güləş Federasiyasından BAKU.WS-ə verilən məlumata görə, sərbəst güləşçilərin yarışında böyük məşqçi Əsgərxan Novruzov və məşqçi Rövşən Hacıyevin rəhbərliyi altında Arif Hüseynov (50 kq), Mahir Əmiraslanov (55 kq), Cahid Həsənzadə (60 kq), Teymur Məmmədov (66 kq), Murad Süleymanov (74 kq), Məhəmmədrəsul Qazıməhəmmədov (84 kq), Nurməhəmməd Hacıyev (96 kq) və Səid Həmidov (120 kq) iştirak edir.

Çempionatın beşinci günündə 50, 60, 74 və 96 kq çəkidə güləşçilər yarışıb. Güləşçilərimiz günü 1 qızıl və 1 bürünc medalla başa vurub. 

50 kq çəkidə mübarizə aparan Arif Hüseynov Yaponiya və Qırğızıstan  güləşçilərinə qalib gəlsə də, yarımfinalda İran güləşçisi ilə gərgin keçən görüşdə məğlub olub. Təmsilçimiz bürünc medal uğrunda Ermənistan təmsilçisi ilə görüşə çıxıb. Rəqibini 4:2 üstələyən Arif Hüseynov Dünya çempionatının bürünc medalına sahib olub.

60 kq-da yığmamızın üzvü Cahid Həsənzadə ilk görüşdə Ermənistan təmsilçisini vaxtından əvvəl məğlub edib. Ardıcıl Ukrayna və Belarus güləşçilərini də üstələyən təmsilçimiz yarımfinalda İranlı rəqibinə uduzub. Cahid bürünc medal uğrunda görüşdə Rusiya təmsilçisinə uduzub və çempionatı 5-ci sırada tamamlayıb.

96 kq-da mübarizə aparan Nurməhəmməd Hacıyev finala qədər maneəsiz irəliləyib. Ardıcıl olaraq Rusiya, Finlandiya və Qazaxstan təmsilçiləri üzərində qələbə güləşçimizi finala yüksəldib. Həlledici görüşdə İran təmsilçisinə də şans verməyən Nurməhəmməd Hacıyev Dünya çempionatının qızıl medalına yiyələnib.

50 kq 

1/8 final - Yura Eiji (JPN) - Arif Hüseynov 4:12

1/4 final - Arif Hüseynov - Kubaniçbek Taştanbekov (KGZ) 7:0

1/2 final - Arif Hüseynov - Alireza Goodarzi (İRİ) 5:6

Bürünc medal görüşü - Razmik Misakyan (ARM) - Arif Hüseynov 2:4

60 kq

1/16 final - Qaqik Akulyan (ARM) - Cahid Həsənzadə 0:10

1/8 final - Cahid Həsənzadə - İvan Bileyçuk (UKR) 9:6

1/4 final - Cahid Həsənzadə - Dzianis Maksimau (BLR) 5:0

1/2 final - İman Sadegikoukandeh  (İRİ) - Cahid Həsənzadə 10:6

Bürünc medal görüşü - Hacımurad Rəşidov (RUS) - Cahid Həsənzadə 11:0

74 kq

1/16 final - Ayub Barraj (TUN) - Murad Süleymanov 0:10

1/8 final - Mark Hall (USA) - Murad Süleymanov 8:3

96 kq

1/8 final - Georgi Gogaev (RUS) - Nurməhəmməd Hacıyev 1:5

1/4 final - Nurməhəmməd Hacıyev - Taponi Heino Jere (FİN) 10:0

1/2 final - Bakdaulet Almentay (KAZ) - Nurməhəmməd Hacıyev 0:7

FİNAL - Nurməhəmməd Hacıyev - Seyyed Hosseni (İRİ) 7:2

Xatırladaq ki, yunan-Roma güləşçilərinin mübarizəsində idmançılarımız 1 qızıl (Murad Məmmədov (55 kq)), 2 gümüş (Kərim Cəfərov (60 kq), İslam Abbasov (84 kq)) və 1 bürünc (Ruhin Mikayılov (66 kq)) medal qazanıb. Yığmamız çempionatı komanda hesabında ikinci sırada başa vurub.

Gənc qızların yarışında isə, yığmamız 2 qızıl (Türkan Nəsirova (44 kq), Leyla Qurbanova (51 kq)), 2 gümüş (Raqnetta Qurbanzadə (63 kq), Səbirə Əliyeva (72 kq)) və 1 bürünc (Elis Manolova (67 kq)) medal qazanıb və komanda hesabında Yaponiyadan sonra ikinci sırada qərarlaşıb.