VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən


Bir müddət öncə Elçin Mürşüdov adlı şəxs Azərbaycanın Güləş Federasyasının vitse-prezidenti, sərbəst güləş üzrə milli komandanın baş məşqçisi Firdovsi Umudovu rüşvət almaqda ittiham etmişdi.

BAKU.WS xəbər verir ki, vaxtı ilə güləşçi olduğunu iddia edən E. Mürşüdov Rusiyada MMA (qarışıq döyüş növləri) ilə məşğul olduğunu, Azərbaycanın MMA üzrə milllisinə qatılmaq üçün F.Umudovun ondan 4500 manat pul istədiyini demişdi.

Sözügedən iddia sosial şəbəkələrdə geniş müzakirələrə səbəb olmuşdu. Daha sonra E.Mürşüdov özü bu barədə video çəkib yayaraq Firdovsi Umudovdan üzr istədiyini, başqalarının toruna düşərək bu cür danışdığını açıqlayıb:

“Firdovsi Umudovla bir başa görüşməmişəm, o məndən heç bir məbləğ, pul tələb etməyib. Mən Firdovsi Umudovun adından istifadə edən şəxslərin toruna düşmüşəm.

Bu vidoenu çəkməkdə məqsədim Firdovsi Umudovdan və bütün idmançılaradan üzr istəməkdir. Bəzi insanların toruna düşmüşdüm və buna görə çox peşmanam”.

Ölkəsindəki xidməti, qazandığı uğurları ilə ölkə başçısı tərəfindən “Şöhrət” ordeni (2012), “Tərəqqi” medalı (2016) və Azərbaycan Respublikası prezidentinin Fəxri Diplomu (2015) ilə təltif olunmuş baş məşqçi növbəti hədəfə alanların arzuları puç olub.

BAKU.WS