055 213 76 73
Ötən gün Bakının mərkəzi hissəsində yerləşən Araz kafesində xoşagəlməz hadisə baş verib.
BAKU.WS əməkdaşının məlumatına görə, 12-13 yaşlarında nitq qüsurlu uşaq kafedə salfet satmağa çalışıb. Bunu görən kafe işçiləri isə balacaya mane olmaq istəyiblər və nəticədə tərəflər arasında münaqişə yaşanıb.
Ofisiant uşağın qolundan kobud şəkildə tutub kafedən çıxarmağa çalışıb. Balaca oğlan müqavimət göstərməyə başlayanda isə digər ofisiantlar köməyə gəlib. Uşağı sürüyərək kafedən uzaqlaşdırmağa çalışan kafe işçilərinə məkanda olan jurnalistlərdən biri mane olub.
Uşağı sakitləşdirməyə çalışıblar. Lakin, ofisiantların kobud rəftarından hiddətlənən balaca oğlan heç cür sakitləşməyib. Məkanda olan digər jurnalistlər də hadisəyə müdaxilə edib. Nəticədə jurnalistlər balaca uşağı şirin dillə tutaraq kafedən çıxarıblar və münaqişəyə son qoyulub.
Ayşən Ayxan
BAKU.WS