» » “O videonu yutubdan sildim, çox utanırdım...” – İbrahim Çingiz (VİDEO)


12-07-2018 | 11:43

  • 5 424

“O videonu yutubdan sildim, çox utanırdım...” – İbrahim Çingiz (VİDEO)


BAKU.WS-in budəfəki müsahibi reper, Rus Dram Teatrının aktyoru İbrahim Çingizdir.

- Müsahibəmizə ilk çəkildiyin “Vicdan haqqı” serialından başlayaq. Necə oldu ki, həmin seriala dəvət aldın?

- Mən Bakıya qayıtdıqdan sonra Rus Dram Teatrına işə düzəldim və orada aktyor Elşad Süleymanla tanış oldum. Bir müddətdən sonra Elşad mənə zəng etdi və dedi ki, reytinqlərdə birinci olan “Vicdan haqqı” serialına avara, tatusu olan, saçı uzun fərqli bir obraz lazımdır. Mən Elşadın təklifi ilə kastinqə getdim, Rövşən İsax məni bəyəndi və Vüsal obrazına təsdiqləndim.

- Yaratdığın Vüsal obrazının atdığı addımı bəyənənlər də oldu, bəyənməyənlər də. İbrahim Çingiz Vüsalın sevgilisini avtoqəzada itirən Nərminlə ailə həyatı qurmasına və valideynlərinə qarşı çıxmasına necə baxır?

- Həyatdır, insanın başına çox iş gələ bilər. Heç kəs sığortalanmayıb ki, nə vaxtsa həyatında belə bir şey baş verməyəcək. Heç kəs 100 faiz əminliklə deyə bilməz ki, mən bununla tam razıyam və yaxud tam razı deyiləm. Yəgin ki, kimin başına gələrsə o, 100 faiz cavablandıra bilər.

“Vicdan haqqı” serialından kadr. İbrahim Çingiz və Yağmur Şahbazova

- Gələcəkdə filmə çəkilmək təklifi alsan, özünü hansı obrazda görmək istərdin?

- Özümü mənfi obrazda görmək istərdim. Serialda müsbət bir obrazda oldum, indi isə mənfi obrazın arzusundayam. İstərdim bilim, yaratdığım mənfi obrazı tamaşaçılar necə qarşılayacaq. “Vicdan haqqı”nda İmran obrazı mənfi olmasına baxmayaraq, hər kəs tərəfindən danışılırdı.

- Ümumiyyətlə, yaradıcı karyerana necə və nədən başlamısan?

- Karyerama 17 yaşımda başlamışam. Repləri dinləyirdim və marağım yarandı. Evdə bir musiqiyə söz yazdım və telefonuma video kimi çəkdim, özümə də maraqlı gəldi. Sonra yığışıb o mahnıya küçədə bir klip çəkdim, amma bir müddətdən sonra o videonu yutubdan sildim, çünki ona görə çox utanırdım (gülür – red.) İndiki kliplərə baxanda çox bərbad vəziyyətdə idi. Sonra getdikcə bu iş böyüməyə başladı, maraq yarana-yarana getdi. Daha sonra mən Rusiyaya “Black star”ın kastinqinə getdim, “Molodaya krov – 2” yarışmasına. Ondan sonra bir müddət Kiyevdə yaşadım və yenidən Bakıya qayıtdım.


- Rep oxumağa başlayanda nə və ya kim əsas ilham pərin olub?

- İlham pərimin kim olduğunu dəqiq deyə bilmərəm, çünki mən o vaxtlar Tupakı, Bigi Smalsı, Uranı, Hüseyn Dəryanı, Elşad Xoseni, “Dəyirman” qrupunu dinləyirdim. Ən çox dinlədiyim reper isə Dreykdir. Rusiya reperlərindən isə Jah Khalibi, Endşpili, Timatini dinləyirəm. Tam olaraq deyə bilmərəm ki, ilham pərim kimdir. Konkret bəyəndiyim repçi olmayıb, yalnız musiqilərini bəyənmişəm.

- İfa etdiyin replərin nədən bəhs etdiyini bir sözlə izah edə bilərsən?

- Demək olar ki, 99,9 faizi sevgidən bəhs edir, qalanı isə həyatın çətinliklərindən. Ara-sıra klub mahnıları da olur, sadəcə rəqs edib istirahət etmək üçün.

- Verəcəyim bu sualı əminəm ki, bütün xanım pərəstişkarların gözləyir. İbrahim Çingizin xəyalındakı qadın obrazı necədir? O, obrazı həyatda tapa bilmisən?

- Xəyal etdiyim qadın obrazı zahiri görünüş baxımından aktrisa Ancelina Colidir. Xasiyyət baxımından yəgin ki, hər bir aktyorun istəyidir ki, həyat yoldaşı onun həyatını, sənətini başa düşsün. Çünki aktyor həyatı çəkilişlərin çoxluğu və ətrafında daim qadınların olması ilə fərqlənir. O ki, qaldı tapıb-tampadığıma, bu bir sirr olaraq qalsın (gülür-red.)


- Adətən reperlər pis vərdişlərə meyilli olurlar (narkotik, içki və s.) Səndə bununla vəziyyət necədir?

- İçkidən və nartotikdən uzaq olan bir insanam. Mən sağlam həyat tərzini dəstəkləyirəm. İnsan gərək idmanla məşğul olsun, pis vərdiləşlərdən uzaq olsun.

- Özünə elə bir qayda qomusanmı, məsələn, “mən bunu heç vaxt etmərəm...”?

- Bayaq dediyim kimi, insan heç nədən sığortalanmayıb. Sözsüz ki, mənim də həyat prinsiplərim var. İnsan heç vaxt yaxınını satmamalıdır, satqın olmamalıdır. Mən həyatda heç vaxt insanları satmamışam. İnsan dürüst olmalıdır.
- İnstagram izləyicilərin tərəfindən sənə verilən ən qəribə sual hansı olub?

- Qəribə suallar çox olur. Məsələn, paylaşırsan ki, serial bu axşam saat 22:15-də olacaq, bir də görürsən ki, izləyici yazır ki, serial saat neçədə başlayır və yaxud da mən neçə gündür paylaşırdım ki, Rus Dram Teatrında “Təhminə və Zaur” tamaşasının premyerası olacaq, saat 19:00-da, biletləri şəhərimizin bütün kassalarından əldə edə bilərsiniz. İzləyicilər isə soruşur ki, tamaşa harada olacaq, saat neçədə və biletləri haradan almaq olar.


- Müsahibələrinin birində demisən ki, kumurin amerikalı aktyor Ceyson Momoadır. Qeyd edim ki, oxşarlığınız çoxdur (bədən quruluşu, saç-saqqal və s.). Özünü ona şüurlu olaraq oxşadırsan, yoxsa ki, oxşayırsan deyə, onu özünə kumir seçmisən?

- Görünüş baxımından oxşarlığımızı hiss etməsəm də, deyilənlərə görə var. Özümü ona oxşatmaq fikrim heç vaxt olmayıb. Saçım-saqqalım həmişə olub, arada keçəl də etmişəm. Bir aktyor kimi onun həyat tərzini, prinsiplərini və aktyorluğunu çox bəyənirəm. İnstaqramda yeganə izlədiyim aktyor odur. Mən də istərdim ki, nə vaxtsa onun kimi məşhur aktyor olum.

- Bədəninin demək olar ki, hər yerində tatu var. Bunu etməkdə məqsədin nə idi və o tatular hansı məna daşıyır?

- Tatu döydürən insanlar bilirlər ki, onların nə məna daşıdığı haqda danışmaq olmaz. Hər bir insanın həyatında nələrsə baş verir və bunu bədənlərinə tatu kimi həkk elətdirirlər. Mənim tatularım həyatımın bir kitabıdır.


İbrahim Çingiz və Olqa Arsentyeva

- Bir neçə gün əvvəl Rus Dram Teatrında “Təhminə və Zaur” tamaşasının premyerası oldu. Sənin yaratdığın Zaur obrazı indiyədək olan “Zaurlar”dan nə ilə fərqlənir?

- Teatrda bu obrazı mərhum sənətkar Fuad Poladov və Səfa Mirzəhəsənovdan sonra oynamaq mənə nəsib oldu. Bu cür sənətkarlardan sonra bu obrazı oynamaq çox çətin işdir. Sonda zalda oturan izləyicilərin, Anar müəllimin (xalq yazıçısı Anar Rzayev – red.) tamaşanı və məni bəyənməsi şərəfdir. Onların məni bəyənməyinə çox sevindim.

- Gələcək planlarından oxucularımıza nə deyə bilərsən?

- Çəkiləcək film və serial haqqında hələ ki, heç nə demirəm. İnşallah onun da xəbərləri birazdan gələcək. O ki, qaldı musiqiyə, izləyicilərimə söz verirəm ki, maraqlı işlərlə onların qarşında olacağam, sadəcə gözləsinlər...

Hüseyn Məmmədsalahov
BAKU.WS

Top XəbərlərЛучшее на сайте
Bakıda ŞOK - “Buta Palace”-ın art direktoru arvadını 5-ci mərtəbədən atdı (VİDEO) Bakıda ŞOK - “Buta Palace”-ın art direktoru arvadını 5-ci mərtəbədən atdı (VİDEO) Əsas Xəbər / Kriminal Meyxanaçı arvadı ilə cinsi əlaqədə olan əmioğlusuna yubka geyindirdi və ... +18 VİDEO Meyxanaçı arvadı ilə cinsi əlaqədə olan əmioğlusuna yubka geyindirdi və ... +18 VİDEO Hadisə / Video Arvadını 5-ci mərtəbədən atan “Buta Palace”-ın art direktoru hansı məşhurun qohumudur? – VİDEO Arvadını 5-ci mərtəbədən atan “Buta Palace”-ın art direktoru hansı məşhurun qohumudur? – VİDEO Hadisə SON DƏQİQƏ - Bakıda fahişəxanalar işlədən məşhur Haşımova tutuldu SON DƏQİQƏ - Bakıda fahişəxanalar işlədən məşhur Haşımova tutuldu Kriminal Zaurdan efirdə BİABIRÇI SƏHV - VİDEO Zaurdan efirdə BİABIRÇI SƏHV - VİDEO Şou-biznes / Video 2019-cu ildə sizi nələr gözləyir? – Bürc və illərə görə proqnozlar 2019-cu ildə sizi nələr gözləyir? – Bürc və illərə görə proqnozlar Həyat tərzi Azərbaycanda ŞOK – Qardaşının arvadına sataşan şəxsi soyundurub alçaltdılar – VİDEO Azərbaycanda ŞOK – Qardaşının arvadına sataşan şəxsi soyundurub alçaltdılar – VİDEO Əsas Xəbər / Hadisə / Video Əsgərlikdə olan Heydər Əliyev babasının məzarını ziyarət etdi – VİDEO Əsgərlikdə olan Heydər Əliyev babasının məzarını ziyarət etdi – VİDEO Əsas Xəbər / Video / Siyasət Aktrisa Sevinc Əliyeva: Aktrisa Sevinc Əliyeva: "O, məni ağlamaq situasiyasına çatdırıb" (VİDEO) Şou-biznes / Video “Buta Palace”-ın art direktorunun 5-ci mərtəbədən atdığı arvadının TƏSİRLİ EŞQ ETİRAFI - VİDEO “Buta Palace”-ın art direktorunun 5-ci mərtəbədən atdığı arvadının TƏSİRLİ EŞQ ETİRAFI - VİDEO Hadisə / Video Bakıya gələn ər-arvadın aeroportdan Bakıya gələn ər-arvadın aeroportdan "iPhone" keçirmək üçün ağlagəlməz əməli - VİDEO Hadisə SON DƏQİQƏ! Bakının SON DƏQİQƏ! Bakının "Moskva" univermağında yanğın (VİDEO) Əsas Xəbər / Hadisə / Video Şeyx Həmzətin adamları Kadırovu təhqir edən şəxsi belə cəzalandırırlar - VİDEO Şeyx Həmzətin adamları Kadırovu təhqir edən şəxsi belə cəzalandırırlar - VİDEO Dünya / Video Azad Rəhimov “Buta Palace”-ın art direktorunu ömürlük həbsə yollatdıra bilər Azad Rəhimov “Buta Palace”-ın art direktorunu ömürlük həbsə yollatdıra bilər Əsas Xəbər / Hadisə Azərbaycanda iyrənc hadisə - Ata 9 yaşlı qızını zorladı Azərbaycanda iyrənc hadisə - Ata 9 yaşlı qızını zorladı Hadisə Şagirdi ilə ailə quran jurnalist Əlibəylini ÖZÜNDƏN ÇIXARDI: Şagirdi ilə ailə quran jurnalist Əlibəylini ÖZÜNDƏN ÇIXARDI: "Bu tipi kim gətirib bura?!" (VİDEO) Şou-biznes / Video İlhamə Qasımova ABŞ-da filmə çəkildi - Çox danışılacaq səhnələr... (VİDEO) İlhamə Qasımova ABŞ-da filmə çəkildi - Çox danışılacaq səhnələr... (VİDEO) Şou-biznes / Video Prezident onlara “Xalq artisti” adı verdi - SİYAHI Prezident onlara “Xalq artisti” adı verdi - SİYAHI Siyasət İmanov “Bu şəhərdə”ni tənqid etdi - “İti satiraları yoxdur” (VİDEO) İmanov “Bu şəhərdə”ni tənqid etdi - “İti satiraları yoxdur” (VİDEO) Şou-biznes / Video Azərbaycanda bağça müəlliminin inanılmaz videosu yayıldı - VİDEO Azərbaycanda bağça müəlliminin inanılmaz videosu yayıldı - VİDEO Hadisə / Video
Son əlavəПоследние публикации
Bakının bu yolunda ehtiyatlı olun!
15 dekabr 2018

Bakının bu yolunda ehtiyatlı olun!

46 Sosial
Azərbaycanda güclü külək gözlənilir
15 dekabr 2018

Azərbaycanda güclü külək gözlənilir

22 Həyat tərzi
Azərbaycanda bir ilk
15 dekabr 2018

Azərbaycanda bir ilk

289 Həkim Məsləhəti
“Azərişıq”da yeni təyinat
15 dekabr 2018

“Azərişıq”da yeni təyinat

133 Sosial
Prezident və Birinci xanım sərgidə - FOTO
15 dekabr 2018

Prezident və Birinci xanım sərgidə - FOTO

978 Əsas Xəbər / Siyasət
AMEA işçilərinə torpaq paylanacaq
15 dekabr 2018

AMEA işçilərinə torpaq paylanacaq

127 Sosial