VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən


Bakıda ağır cinayət hadisəsi baş verib.


BAKU.WS
-in APA TV-ya istinadən verdiyi məlumata görə, hadisə paytaxtın Binəqədi rayonu ərazisində qeydə alınıb.

 

1976-cı il təvəllüdlü Samir Axundov keçmiş həyat yoldaşı, 1987-ci il təvəllüdlü Gülnar Axundovanı qətlə yetirib. Hadisə Gülnar Axundovanın ərindən ayrıldıqdan sonra yaşadığı 8-ci mikrorayondakı Nizami Nərimanov küçəsindəki evdə baş verib. Samir Axundov keçmiş arvadını ürəyindən bıçaqlayıb və boğaz nahiyəsinə bıçaqla xəsarət yetirib. O, dərhal hadisə yerini tərk edib.

 

Qadın təcili tibbi yardım briqadası tərəfindən yaralı vəziyyətdə 1 saylı Şəhər Klinik Xəstəxanasına çatdırılıb. Lakin 28 yaşlı Gülnar Axundovanın həyatını xilas etmək mümkün olmayıb və xəstəxanada dünyasını dəyişib.

 

Samir Axundov isə Gülnar Axundovanı bıçaqladıqdan sonra öz evinə qayıdıb. O, kreditlə aldığı, amma pulunu ödəyə bilmədiyi evinə qayıtdıqdan sonra 16-cı mərtəbədə yerləşən mənzilin pəncərəsindən özünü ataraq intihar edib.

 

Faktla bağlı Binəqədi rayon Prokurorluğu tərəfindən araşdırma aparılır. Cinayətin motivi hələlik məlum deyil. İlkin məlumata görə, Samir Axundovda narkotik asılılığı olub.


BAKU.WS