055 213 76 73
Daxili İşlər Nazirliyi dünən Bakıda polis əməkdaşının güllələnməsilə bağlı məlumat yayıb.
BAKU.WS-in nazirliyin mətbuat xidmətinə istinadən verdiyi məlumata görə, oktyabrın 26-da saat 05 radələrində Xətai rayonu ərazisində xidmətdə olan 36-cı polis bölməsinin əməkdaşları İltifat Bayramov və İsmayıl Şahbazov şübhə doğuran 2 nəfərə yaxınlaşmaq istəyib.
Onlardan biri odlu silahdan açdığı atəşlə İ.Bayramova ayaq nahiyəsindən xəsarət yetirib. Daha sonra onlar hadisə yerindən qaçıblar.
Görülmüş tədbirlərlə onlardan biri - Bakı şəhər sakini, əvvəllər məhkum olunmuş Yevgeniy Antonovskiy tutulub. Saxlanılan şəxsdən kustar üsulla hazırlanmış tapança götürülüb.
Faktla bağlı araşdırmalar aparılır.
Ziya Səccad
BAKU.WS