Sevgilisindən ayrılan qız özünü asaraq intihara cəhd edib

 

"Report"un Şimal bürosu xəbər verir ki, hadisə şəhərin Rəşid Behbudov küçəsində yerləşən, Fərhad Ömər oğlu Əkbərova məxsus evin ikinci mərtəbəsində qeydə alınıb.

Belə ki, həmin ünvanda ailəsilə kirayədə yaşayan, Quba rayonunun Bərqov kənd sakini, 24 yaşlı Səma Həmid qızı Məmmədova özünü evin 2-ci mərtəbəsində iplə asaraq intihar etmək istəyib. Ailə üzvləri vaxtında bunu bildiyindən Səmanı xilas edib və ona ilkin tibbi yardım göstərilib.

Məlumata görə, S.Məmmədova özünü Aqşin adlı sevgilisindən ayrıldığı üçün özünü öldürmək istədiyini deyib.

Faktla bağlı Şabran Rayon Prokurorluğunda araşdırmalara başlanılıb.