055 213 76 73
"Halikarnas Hall"da illər öncə populyarlıq qazanmış, lakin bu gün də aktual və dinləyicilərin sevimlisi olan əfsanəvi "Yalla" və "Boney M" musiqi qruplarının möhtəşəm konserti baş tutub.
Konsert proqramının aparıcısı xalq artisti, Azərbaycan estradasının divası Aygün Kazımova və tanınmış tele və radio aparıcı, ASAN radionun direktoru Emin Musəvi olub.
Möhtəşəm yay konsertin Ukraynanın tanınmış "Foresight" şou-bilet rəqs qrupunun qaynar rəqs nömrəsi ilə başlayıb. Daha sonra Halikarnas Balıkçısının rəhbəri Eyyub Niyazov və konsert layihəsinin təşkilatçısı Zemfira Adıgözəlova çıxış ediblər. İrəliləyən dəqiqələrdə səhnəyə “Yallı” qrupu çıxıb. Mahnının müşayiəti altında modelyer Fəxriyə Xələfovanın Şərq kolleksiyası dəfiləsi nümayiş etdirilib.
“Boney M”in çıxışı səhnəni daha da canlandırıb. Hər iki qrupun çıxışından sonra rəssam Milena Abıyevanın üzərində milli atributlarla bəzədiyi armudu stəkan və nəlbəki hədiyyə edilib. Tədbirin sonuna doğru “Halikarnas Hall”ın açılışı münasibəti ilə hazırlanan tort kəsililib və hər kəs sonda atəşfəşanlığı izləyib.
