055 213 76 73
Hindistanlı aktyor Avinash Sachdev Bakıya gəlib.
"Azərbaycanda olmaqdan çox xoşbəxtəm. Bu ölkə ilə tanışlığa böyük marağım var idi". BAKU.WS APA-ya istinadən xəbər verir ki, bunu Hindistanın məşhur aktyoru, Bolivud ulduzu Avinash Sachdev Bakıda keçirdiyi mətbuat konfransında deyib.
O bildirib ki, Azərbaycanda ən çox insanlar və onların qonaqpərvərliyini bəyənib: "Azərbaycana gələcəyim təqdirdə buranı sevəcəyimi bilirdim. Əsas istəyim Azərbaycanınmədəniyyəti ilə tanış olmaqdır. "Deyilənə görə, mən Rac Kapurdan sonra Azərbaycanda olan ikinci hind aktyoruyam. Bu, mənim üçün bir şərəfdir. Özümü Azərbaycan-Hindistan dostluğunun zirvəsində hesab edirəm. Bakıda olduğum üçün xoşbəxtəm".
A. Sachdev Azərbaycan filmlərini izləmədiyini qeyd edib. Aktyor əlavə edib ki, hər hansı təklif olacağı təqdirdə Azərbaycanda müəyyən layihələrdə iştirak edə bilər.
Qeyd edək ki, A. Sachdev Azərbaycan - Türkiyə Evinin (ATEV) sədri Tənzilə Rüstəmxanlının dəvəti ilə Azərbaycana gəlib. O, 26-30 iyun tarixlərində ölkəmizdə səfərdə olacaq. 28 iyunda A. Sachdevin "Nizami" cinema klubda imza günü və fanatları ilə görüşü nəzərdə tutulub. A. Sachdev Türkiyənin "Kanal 7" televiziyasında yayımlanan "Tatlı bəla" serialının qəhrəmanıdır. Hindistanlı aktyor Türkiyə, İran, Rusiya, Qafqaz, ərəb ölkələri və Latın Amerikasında daha çox tanınır.
BAKU.WS