055 213 76 73
Şəmkir rayon sakini bədbəxt hadisə nəticəsində dünyasını dəyişib.
Rayonun Polis İdarəsindən ANS PRESS-ə verilən məlumata görə, Şiştəpə kənd sakini 1958-ci il təvəllüdlü Zakir Qərib oğlu İbadullayev ailəsi ilə birgə Qasımalılar kəndi yaxınlığına istirahətə gedib. Özü ilə 1 litr spirtli içki aparan kişi onu həyat yoldaşı və 3 qızının yanında təkbaşına içib. Bir müddət istirahət edən ailə üzvləri kəndə qayıtmaq qərarına gəliblər.
İçkili olan Zakir İbadullayev ailə üzvlərinə onları istirahətə gətirdiyi traktorunu işə salmağa getdiyini deyib. Traktoru işə salmaq üçün onun təkərlərindən itələməyə başlayıb. Elə bu vaxt ayağı sürüşən kişi traktorun qoşqusunun təkərləri altına düşüb. Ağır bədən xəsarətləri alan kişi xəstəxanaya aparılarkən yolda ölüb.
Faktla əlaqədar rayon polis idarəsində cinayət işi açılıb, araşdırma aparılır.
BAKU.WS