VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən


Hər il olduğu kimi, yayda qış üçün, qışda isə yay üçün hazırlıq görən Bakı Zooparkı soyuq qış günlərinə artıq hazırdır.

APA TV-nin xəbərinə görə, heyvanların həyat tərzinə uyğun xüsusi şərait yaradılıb.

Zooparkın direktoru Azər Hüseynov deyir ki, soyuğa davamlı heyvanlar zooparkda öz həyatlarına olduğu kimi davam edir, isti sevən heyvanların qəfəslərinə isə istilik sistemi quraşdırılıb: "İstilik sistemi əsasən yoxlanılıb, artıq kombi sistemlərini yandırmışıq. Bu, meymunların saxlanma yerinə aiddir. Timsahda isti döşəmədir. Tutuquşular, yaquar və kenquru olan yerlərdə istilik olmadığına işıq sistemi ilə yağ radiatoru qoymuşuq".

Qışa əsas hazırlıqlardan biri də yem tədarüküdür. Mövsümlə əlaqədar zoopark sakinlərinin qidalarında da dəyişiklik edilib: "Yonca otu tədarük etmişik, arpa, buğda, qarğıdalı, qarışıq yem, kəpək də var. Yırtıcı heyvanların qidasında yayda 6-7 kiloqram ət veririksə, qışda 2 kiloqram artırılır".

Qışa tədarüklə yanaşı, zooparka yeni heyvanlar da gətirilib. Heyvanat parkının direktoru deyir ki, həmin heyvanlar artıq zooparkın şəraitinə uyğunlaşıb. Havalar soyusa da, zoopark sakinlərini ziyarətə gələnlərin sayı azalmır. Bura balacaların sevimli məkanı olsa da, böyüklər də gəlir: "Mənim nəvəm bloggerdir, gəlib zooparka ki, burdan videobloq çəksin, qoysunlar "Youtube"a, bütün dünya baxsın ki, nə var, nə yox bizim zooparkımızda".

Havalar soyumağa başlasa da, hələlik parkda qış yuxusuna gedən heyvan yoxdur.

Qeyd edək ki, hazırda Bakı Zooloji Parkında 150 növ və 1200 başdan çox heyvan və quş saxlanılır.

BAKU.WS
]