VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

 

Azərbaycanlı qadınları cinsi istismara məruz qoyan 3 nəfərin barəsində axtarış elan edilib. 

Daxili İşlər Nazirliyinin İnsan Alverinə qarşı Mübarizə İdarəsindən teleqraf.com-a deyilib ki, həmin qadınların barəsində İnterpol vasitəsi ilə axtarış elan olunub. 

Axtarışa verilən qadınlar bunlardır: 

 

Zaqatala rayon sakini, 1964-cü il təvəllüdlü Alxazova Nərminə Cəfər qızının barəsində Cinayət Məcəlləsinin insan alveri maddəsi ilə 2016-cı ildə axtarış elan edilib.

Naxçıvan Muxtar Respublikasının Şərur rayonunda 1974-cü ildə anadan olan Kərimova Səmayə Çölü qızı Bakı şəhər sakinidir. O, insan alverində ittiham olunur. 

Alməmmədli Elnarə Şakir qızı 1981-ci ildə Ermənistan Respublikasının Qafan rayonunda anadan olub. Bakı şəhər sakini olan Elnarə Alməmmədova qadınları fahişəliyə cəlb etməkdə ittiham edilir. 


Bundan əlavə 2015-ci ildə də insan alveri ilə məşğul olan 4 qadın və 1 kişi barəsində axtarış elan edilib. 

Tuxtaboeva Masxura Movlonovna 1982-ci ildə anadan olub, Özbəkistan vətəndaşıdır. Barəsində Azərbaycan Respublikası Cinayət Məcəlləsinin insan alveri maddəsi ilə 2015-ci ildə axtarış elan edilib.


 

Gəncə şəhər sakini, 1963-cü il təvəllüdlü Çakıroğlu Təranə Adil qızının barəsində qadınları cinsi istismara məruz qoyma ittihamı ilə bağlı axtarışa verilib. 

 

Hüseynzadə Elvin Elşad oğlu 1985-ci ildə Lənkəran şəhərində anadan olub, Bakı şəhər sakinidir. Onun barəsində qadınları fahişəliyə cəlb etmə ittiham üzrə axtarış elan olunub. 

 

1976-ci ildə Lənkəran şəhərində anadan olan Həsənova Sevda Həsən qızı Bakı şəhər sakinidir və qadınları fahişəliyə cəlb etdiyi üçün barəsində axtarış elan edilib. 

 

Hacıyeva Qızqayıt Rafiq qızı 1984-cü ildə Abşeron rayonunda anadan olub və barəsində Azərbaycan Respublikası Cinayət Məcəlləsinin insan alveri maddəsi ilə 2015-ci ildə axtarış elan olunub. O, İnterpol kanalları ilə beynəlxalq axtarışdadır.
 
BAKU.WS