VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

 
"11 saylı notariusun yanında yanğın başladı 5 dəqiqə əvvəl" - düz 1 il əvvəl bu sözləri Facebook-da yazmışdım. Həmin anda həyatımın (hələlik) ən acı gününü yaşadığımı, hansı faciənin canlı şahidi olduğumu hələ başa düşməmişdim. Bunun üçün cəmi 10 dəqiqə kifayət etdi: bina tam alışdı!"
 
BAKU.WS-in məlumatına görə, bu sözləri tanınmış vəkil Əkrəm Həsənov yazıb. Onun sözlərinə görə, həmin gün çox dəhşətli mənzərənin şahidi olub:
 
"Allah həmin binada həlak olan vətəndaşlarımıza rəhmət eləsin! Allah bizləri bağışlasın ki, onların ölümünə bais olanların cəzalanmasına nail ola bilmədik! Allah bizləri məmur özbaşınalığının növbəti qurbanları olmaqdan qorusun!"
 

 

Qeyd edək ki, Binəqədi rayonunda Azadlıq prospekti 200/36 ünvanında yerləşən 16 mərtəbəli yaşayış binasında 2015-ci ilin 19 may tarixində səhər saatlarında (10:30) yanğın hadisəsi baş verib. Bu gün həmin hadisədən bir il ötür. İlkin məlumatlara əsasən hadisə nəticəsində 15 nəfər ölüb, 64 nəfər isə yaralanıb. Yanğının başlamasına ilkin versiya kimi binanın üzərinə çəkilmiş penoplas üzlüklər göstərilir.

Fakt üzrə Baş Prokurorluğun Ağır Cinayətlərə dair İşlər üzrə İstintaq İdarəsində cinayət işi açılıb. Cinayət məcəlləsinin 3 maddəsi əsas götürülüb. Ehtiyatsızlıqdan zərərçəkmiş şəxsin ölümünə və digər ağır nəticələrə səbəb olan yanğın təhlükəsizliyi qaydalarını pozma, vəzifə səlahiyyətlərindən sui-istifadə və ağır nəticələrə səbəb olan səhlənkarlıq maddələri ilə cinayət işi açılıb. 
 
Binəqədi rayonunda yerləşən yaşayış binasında baş verən yanğın nəticəsində 15 nəfər həlak olub. Həmin şəxslərin şəxsiyyətləri aşağıdakı kimidir:

1. Məhərrəmova Fərəh Elnur qızı (3 yaş)

2. Bağırov Sahib Rəhim oğlu (49 yaş)

3. Bağırova Firəngiz Rəhim qızı (60 yaş)

4. Şirinova Zülfiyyə Yavər qızı (43 yaş)

5. Nəcəfzadə Yaşar Fazil oğlu (27 yaş)

6. Eyvazov Davud Hamir oğlu (16 yaş)

7. Eyvazova Ülkər Hamir qızı (21 yaş)

8. Cavadov Ömər Vüqar oğlu (yaş yarımlıq)

9. Kərimova Nazilə Malik qızı (39 yaş)

10. Kərimova Ayan Anar qızı (5 yaş)

11. Hüseynov Ayxan Şahin oğlu (2 yaş)

12. Həsənova Alla Antonovna (58 yaş)

13. Utuyevsil Yuri Vladimiroviç (67 yaş)

14. Boykova Lyubov Viktorovna (87 yaş)

15. Yəhyayeva Elmira Əliağa qızı (68 yaş).

BAKU.WS