055 213 76 73
Stokholmdakı "Globe” Arenada "Eurovision-2016” mahnı müsabiqəsinin yarımfinal şousu başlayıb.
Ənənəyə uyğun olaraq "Eurovision-2016” şousunun aparıcıları Petra Mede və ötən il qalib olmuş Mans Zelmerlov tamaşaçıları salamlayıblar.
Mans Zelmerlov "Heroes” mahnısı ilə birinci yarımfinalda fərqli üslubda çıxış edəcək. "Bir araya gələk” devizi altında keçirilən 61-ci "Eurovision” mahnı müsabiqəsində daha sonra Finlandiya, Yunanıstan, Moldova, Macarıstan, Xorvatiya, Niderland Krallığı, Azərbaycan, San Marino, Rusiya, Çexiya, Kipr, Avstriya, Estoniya, Ermənistan, Monteneqro, İslandiya, Bosniya və Herseqovina, Malta təmsilçiləri performanslarını təqdim edəcəklər.
Səsvermə üçün ayrılmış vaxtda səhnədə müsabiqənin təşkilatçıları tərəfindən hazırlanmış şou nümayiş olunacaq. Sonra səsvermənin nəticələri elan ediləcək. Birinci yarımfinaldan dərhal sonra finala vəsiqə qazanmış 10 ölkə təmsilçisinin iştirakı ilə mətbuat konfransı keçiriləcək.
BAKU.WS